Poezi nga Teuta Sadiku

Poezi nga Teuta Sadiku




Free, -nuk ka problem.


Akti i parë u luajt mes rrugëve,
vazhdoi në shtëpi të sejcilit prej nesh
por ja që shijoka më bukur ,
kur tragjedinë e tjetrit free e ndjek.

Mesnatës u dëgjuan klithma,
britma që s’na linin të flemë,
por në krahun tjetër u kthyem
duke sharë:'Nuk na lanë të flemë të qetë.'

Kur në lagjen tonë , u dëgjuan krisma ,
nga krevati u ngritëm,plumbi mos na cekë
brenda pallatit tonë luhej akti i tretë
kur erdhi policia u lajmërua ambulanca e tretë.
.
Ne shihnim të gjithë nga ballkonet aktin e tretë
askush nuk pyeste për regjizorin, aktorët,veshjet
edhe pse dëgjimi ishte i dobët në skenë
ne e ndiqnim të gjithë sy e veshë .

Vetëm ambulanca qante për trupat pa jetë
ne me kërshëri prisnim të mësonim diçka të re
‘Mos u shqetësoni ,futuni brenda,’ tha polici,
emigrantët,ju e dini si janë ata,nuk ka problem.

Dje u luajt një tragjedi me tre akte
nga ato që ne shohim free ngaherë
' ptu ptu larg nesh 'themi ne shikuesit pa biletë ,
aktorë e shikues në skenë pa gojë, pa sy e veshë.

Tragjedia ishte me tre akte
ne ,njerzit e civilizuar pamë dy aktet e saj,
pa biletë,varur nga ballkonet e shtëpive
si i nxorrën trupat e emigrantëve pa jetë.