Poezi nga Sadbere Gagica Spahija

Poezi nga Sadbere Gagica Spahija




POETËVE


Gjithandej ku i zë nata
Mbi vargje
Tek kërkojnë foletë me ëndrra
Fjalët për tokën e lindjes
Kujtimet e hajthme të stinëve
Dromcat e vogla të dashurisë
Pritjet nëpër stacione të strofave
Rrokullisjet nëpër fjalët e pathëna
Poetëve
Sonte luftoj me djallin
Që do të hyjë si hajn
Derën ia kam mbyllur me kohë
Hullive të arave me kallinj
Tek jargisej në mesnatë
Buzë dritares sime
Neveritshëm sillej udhëve
Me fanarë të fikur
E sytë
Ende i kam të përlotur
Tek endem nëpër kthina mërgimesh
Malli më është veshur nëpër ëndrra
Të gjej orët e mia
Strofat pa asnjë rimë
Derdhur
Si lumë luginës sime të zemerimit!...





PRANVERË


Në sytë e tu i kam ëndrrat
Netëve kur bie në gjumë
S'kam këngë në strofën time
Veç një zogu sikur pëlumb
Dimri la gjurmë nëpër fjalë
Gjeth mali jam bërë për Ty
Më ndjek si hije nëpër kohë
Mall e mall për dashuri
Pranverë në sytë e mi!...





KAM MALL


Për Ty Gjilani im i ngrohtë
Me rreze të purpurta të diellit
Ju lagje dikur me zhurmë fëmijësh
Me lojra adoleshentësh

Për një fjalë më rrok lirika
Në çdo sekondë frymëmarrjeje
Je pjesë e vargut tim
Ëndërr e bukur e natës së ikur

Sytë më janë plakur
Pa të parë
Qielli më rri mbi kokë
Me ca pika lot

Kam mall për Ty
Ta vë gjoksin tim
Mbi qepalla sysh
Ta dëgjoj një dihatje njeriu![/b]