Poezi nga Luljeta Gjosha PashollariDHURATË PËR SHËN VALNTININPetale lulesh mbi mua ke derdhur,
Vallë është dhurata për Shënvalentin?
Nga qielli i kaltër ti më thërret:
E dashur jam aty, pranë me ty!...
Jam në çdo moment prezent aty,
Vallë ti, a nuk po më ndjen?...
Të përqafoj me shumë dashuri,
Me krahë fortë të kam mbështjellë.
Petale trëndafilash po të lëshoj ,
zbritur nga qielli, drejt e tek ti,
Që të mos ndjej mungesën tënde,
Se zjarri i dashurisë më dogji për ty.
Të zënë përdore, nisim rrugëtimin,
Fluturojmë hapësirës bashkë të dy,
Njeri - tjetrin në sy duke shikuar,
Të shuajmë mallin që kemi në gji…
MBRËMË NË DHOMËN TIMEMbrëmë më erdhe në dhomën time,
Më kape përdore e the: kërce me mua!,
Unë e veshur me të holla stine,
U ngrita nga shtrati e thashë: “Të dua”.
Ti nga beli fortë më shtrëngove,
Të kapur përdore, nisëm kërcimin të dy,
Pastaj më pëshpërite ëmbël në vesh ,
Dhe më ftove sërish për dashuri...
Eja, e dashur, se malli më ka marrë,
Të kërcejmë atë “valsin e lumturisë!”
Të kujtojmë si dikur vitet e zjarrta,
Ato vite përvëlimi që jetuam të dy,
Dhe bashkë të shkrirë në një trup,
Vallëzuam deri sa zbardhi mëngjes.
Po kur sytë i hapa, ti ishe larguar,
Për Shënvalentinin, i dashur, të pres!...
KUR TË ÇELI MANUSHAQJAMe prit si ngahera, më prit se do vi,
Kur të çeli manushaqja e me aromë të na mbulojë.
Unë si përhera ty do të kujtojë .
Do trokas te porta dhe për dashuri do të ftojë.
Me puthjet e mia të zjarrta do të mbuloj,
Derisa të bjeri muzgu, deri natën vonë,
Në kraharori tim fort do të shtrëngoj,
Mallin që kam për ty ta shuaj përgjithmonë.
Manushaqet dhe luledelet do t’i mbledh për ty,
Kurorë do t’i thur e në kokë do të t’i vendos.
Por të lutem më jep një shenjë, qoftë dhe me sy,
zemrën time kaq gjatë mos ma copëto!..
MERR GUXIMIN, MË PËRQAFO!Përse më rri larg, këtë si ta kuptoj?
Kur je pranë meje, me fjalë më ledhaton...
Vallë si ta kuptoj, as unë s’e di,
Është ndjenjë e zjarrtë, mos vallë dashuri?
Ulur në tavolinë, njëri-tjetrin shikojmë,
Çdo lëvizje që bëjmë sikur njëri-tjetrin testojmë.
O, sa mirë ndjehem, kur pranë teje rri,
Ndihem e qetë dhe s'kam frikë asnjeri.
Sytë të shkëlqejnë, kur me shikon,
Shikimi yt tinëzar, mua më tundon.
Matem shumë se kam frikë mos gaboj ,
A është dashuri mes nesh, apo është lojë?
Dëshmitare ne kemi Hënën lozonjare,
Na buzëqesh e me bisht të syrit na shikon.
Ti merr guximin së fundi, e më përqafo!
Afrohu e dashur se shumë më mungon!...
DITËLINDJEN PA TYSi ta shuaj mallin për ty
Kur në shpirtin timë dëborë ka ra
Si do ta festoj ditëlindjen pa ty
Pse pranë zemrës nuk të kam.
Dimri sivjet na ka marrë inatë
Vetëm gurë nuk leshoi nga qielli
Ditët me diell të pakta janë
Në horizont pres , dukjen e ylberit.
Nata qytetin e mbulojë
Furtuna dëgjohet gjithandej
Dëbora malet i mbulojë
E unë në dritare rri e pres.
Sytë nga qielli i drejtoj
Që të dalloj të bukrin yll
Po ti ne largësi më qëndron
Atje largë, largë në mërgim.
Ditët ikin një nga një
Trishtimi më kaplojë
Pres të më dergosh një shkëndijë
Lotët e shpirtit të më pushojnë.