Poezi nga Ramiz Kuqi

Poezi nga Ramiz Kuqi



NË KOSOVË


Gjithçka është bërë speciale
Gjyqe speciale
Diell është special
Shiu është në verë akull
Dashura fërfëllluese
Në ankand publik shpirti i lypsit
Në Kosovën time
Pallatet janë speciale
Mbi kulme mund të lëvizin
Macat e murrme
Deri në pafundësi
Dritaret janë specilale
Tullat e murimit të zbrazura
Nga zëri i fqiut mund të dëgjosh
Dihatjet në mesnatë
Hajnia është speciale
Në Kosovën time
Shpirti i zbrazur
Kënga simfoni e lodhur
Bie nëpër udhë çdo ditë buria
Gur mbi policë
Policë me shkopinj gome
Mbi kurrizin e kohës
Janë përzier tingujt shurdhues
Në Kosovën time
Edhe loti është special?!





KËTO UDHË


Mos harro
Plot dhimbje është ky kurriz
Mbi supe ka bartur shekujt
Si gurin e Sizifit
Këto udhë
S'di a takohen në horizont
Kur nata bie mbi pyll
A puthën stinët në valëzim?




E KAM TAKUAR


Një fillim të këngës
Kur nata vinte me vetetimë
Stinët u varën nëpër dhimbje
Malli mori ëndrrat nëpër udhëtime
Fjalë moj sa qenke lodhur
Nëpër këtë qiell vargjesh pa rimë
E kam takuar
Një natë të hajthme kur binte shi
Vjeshtë në sytë e hënës
Emër bartur nëpër stuhi
(S') e kam takuar ?