Poezi nga Teura OsmaniMundohemMundohem të kapem pas thonjëve të mija
Si një lastar hardhie që zvarritet mureve
Si të jetë zvaranike e stinës së zgjatjes
Pas thonjëve më duket sikur do gjej shteg të mbahem
Më duket e lehtë të ngjizesh pas mureve
Pas çdo peme ,pas çdo luleje
Si rrënjët e pishave a të lisave
Ku derdhen e thellohen baltës e plisave
Me thonjë kam gjetur të mbahem
Në erëra e furtuna dimrave a vjeshtës vakte
Kështu më është e lehtë t'i ngjaj jetës
Jetës së paarritur në nën dhera e gurë ,a'brigjesh, a' shtigjesh.
A' E DI TI NËNË?!Ndjehem sakaq e jetuar në nostalgjinë e përshkuar
atje ku jam rritur ,atje jam e përvëluar
atje më rri mendja si asnjëherë në jetë
atje më vlon shpirti për ty o Nënë që vetëm ke mbet
ndjehem sakaq e rritur në prehrin tënd
me lot kam qarë për mallin ,për ledhin tënd
dhe tani dua të të flas ,të të thërras ,të të këndoj moj Nënë
sa shumë më mungon ,sa shumë të kam dashur ,sa shumë më lëndon
kur kohë jam me lot mërgimi e lagur,...
e di ti Nënë që kur ika nga ty ,kam marë hijen tënde?
e di ti Nënë që kur flas kam zërin tënd?
e di ti Nënë që të ngjaj në trup?
e di ti Nënë që sa herë zgjohem më rizgjohet zëri yt?
a e di që jam veç një shëmbull i yt?
a e di që jam grua Nënë ,ky fëmija yt?
a e di ti Nënë se jam nënë në dy?
ku Ti jeton me mua në trupin tim?
DJALLI A ekziston djalli vallë?
Shumë herë zë e mendoj
Prapa krahëve këtu e matan
Më zë pritën e kurrë se besoj
Ndodh ndonjëherë që më shtyn
Prapa shpinës sa e çuditshme!
Të bie përtokë pa vetdije
sikur këmbët e mija të kem thyer,
Ndonjëherë më zë befas
Aty ku buzëqeshja ime është në buzë
Ndodh ndonjëherë që më zë lemza
Sa herë kujtoj se jam e sjam këtu,
Mos vallë vjen prapa derës
Të përgjoj lumturinë?
Të ketë zilin prapa diellit
Pasi qielli i tij është i zi?
A ekziston vallë ky djall?
Që më duket sikur shpirtin ma ka marrë
Megjithëse ëndrrat janë mbulesë e bardhë
Prej shpirtit tim qelibar
A ekziston vallë djalli?
Që më ndjek ngado ku shkel dhe ëndrra
Mbi gjurmët e mija
Shpalos marazin! ...
vallë do jem pre e tija?!
Zot ku je? ...Sa më duhesh!
Prej teje pres çdo sekondë uratën
Të lutem ,të lutem, sa të lutem o Zot
Prej këtij djalli ,më shpëto...!!!