Poezi nga Sofia Doko Arapaj
Sonte Sonte dua të fle me ty…
E ç farë se të pres,
Në ëndërr,
A nuk është ëndrra,
Për njerëzit,
A nuk është ëndrra,
Për të gjallë?
Mos guxoftë njeri,
Të na ndajë sonte se…
Ah, ju lutem, mos,
Mos m’ a trembni lumturinë,
Se s’ kam më frymë,
Se kam kaq shumë mall…
Po ti mos u mërzit, o shpirt,
Po më pe me lotë në sy,
Lermë të çmendem nga gëzimi,
Pse po flemë në ëndërr të dy…
Prapë Orfene Anës detit,
ra një lot,
e mira valë…
valës lutur,
kot më kot,
nuk di të falë…
Mos i prek ,
valë moj valë,
Orfe -Sibile,
se.. kanë ëndrrën
për të rritur,
ah, Sibile…
Ah, Sibile…
Në të marrtë,
vala e ndarjes,
klithje bëje…
në parajsë,
në ferr, më tutje,
prapë… Orfenë…
…..
Shekuj,s
s’ do më tresë dheu,
më do të bukur Orfeu.
Lëndinave të afshta Tani s’kam më as nallane
shih fustanin copë e çikë
dhe për pak do fillojë shiu
ti Orfe ku je…
nuk mbaj mend, pse jam këtu
nuk e di ku lashë shtëpinë
mbaj mend një flamur të kuq
ti Orfe ku je…
tre lloj gjuhësh rrinë mbi kokë
mijëra vargje poezi
ec e ec nuk kam të sosur
ti Orfe ku je…
i mbledh flokët, plasa vape
me ujë po shpëlaj pak gjinjtë
do rri e… do pres këtu
ti Orfe ku je…
mos thoni që jam e çmendur,
se… rrobat m’ u shqyen vetë,
zagushi kam…. lulezonja
ti Orfe ku jeeee…
Sot me duaj Sot më duaj
sot, se nesër s’ do jem
do bëhem shapkë kaucuku e mamasë
të ndërrohem te arixhofka me një karficë…
Sot më duaj
sot, se nesër s’ do jem,
do jem e shoqja e korbit, a më kupton
sot më duaj, se nesër do jetë vonë…
*** O grua e vockël,
o drithërimë klarine….
…
Atë kërkon,
do që të vallëzosh
të prekësh e të kërcesh
mbi shtratin e dritës
Të harrohesh e t u flasësh
për qypat e thyer
të çmendesh pas gurëve
të lashtë, të skalitur…
Po bota të qesh,
qesh bota…
të quan të marrë…
Epo me dikë
duhet që të flasësh
ej,ej, pergjigjmuni,
shikoni ç’ po bëj!
U tregon si hapat e tu
kapërcejnë kanalet e frikës,
si dora jote, u çorr në një ferrë
si dëshiron të shpërthesh herë pas here,
por askush s’ të kupton….
…
dëgjojnë dhëndurrët e largët,
mendojnë se je gati për t u martuar
e dëshirojnë të bëhen murgjit e manastirit tënd….
Kometat në det Ndizen valët,shkumëbardha,
kemi kohë pa dashuri,
oh, të lutem hënë shtatzanë,
na linde sonte ne të dy…
njërin më të mire se unë,
tjetrën më ndritur se ti,
në një trup mjaltë të shkrirë,
n’ a lind sonte ne të dy…