Elegji poetike nga Rudi Berisha

Elegji poetike nga Rudi Berisha




Unë ju lë amanet o njerëz të mirë Shqipërinë.


Sot po ndahem nga ju amanet djalin tim
Më ruani gjakun që kam derdhur për Shqipëri
Nuk ju them lamtumirë se nuk po ndahem nga ju
Unë e di do më kujtoni gjatë gjithë jetës në Atdhe

Sot më mbuluat më dheun e atdheut Një Shqipëri
Nesër mbi dhimbjet e nënës do të lulëzojnë lulet
Në kasollen time më ruajnë fotografin më uniformë
Unë po largohem e tek ju do ju dhuroj aromë lirie

Mos fajsoni tokën e fshatin e Kumanovës së Shqipërisë
Tradhtarët do marrin mallkimin nga vet Zoti i Gjithësisë
Atje luftuam për të jetësuar rrugën që ndjeken dëshmorët
Kujdes më gjykimet e pa argumentuar mos gaboni shqiptarë

Tani ju them lamtumirë unë po i mbylli sytë po iki në paqe
Ju më shkruani në vargje e në këngë më këndoni shqiptarë
Nuk u flijova për të më kënduar e të më vargëzoni në vargje
Por u flijuva që Shqipëria të jetësohet e të ngritet në kurorë

Amanetin tonë mos e ndaloni kurrë në tokën e bardhë
Rruga që ne ndekjem ishte rrugë e trimave të idealit
Ishte rruga e atyre që më shekuj derdhen gjakun
Tani unë ju le amanet o njerëz të mirë Shqipërinë

Më kokë të ndritur ecni në rrugë për të bërë Shqipërinë
Kujdes nga tradhtarët ata janë në mesin tonë o vëllezër
Edhe këtu kur ju po më ndani nga kjo jetë për në shtëpi
Ka të tillë që janë kundër rrugës që kemi ndjekë Shqipëri

Unë ju bëj më dorë të gjithë juve duke ju then lamtumirë
Nuk po vdes unë jo po lindi serish në mesin e dëshmorëve
Sa lule të lindura në këtë rrethoj në dhe shikoj si kanë çelë
Ju të gjithë më merrni më veti aromën si luftohet për Atdhe

Nëse ndonjeri nga ju e ndieni vetën shqiptarë kuq e zi
Nuk dua të ju shikoja as edhe një pikë loti për mua
Por lot duhet të derdhin pse nuk po e bëni Shqipërinë
Unë jam vetëm njeri nga të gjithë të rënët për Shqipërinë






Po kthehem nënë më hap porten e varrit


Nisëm për tek kasolla ime e re nënë
Atje do të jem përgjithmonë i shtrirë
Nënë ma rregullo shtratin kam gjumë
Më mbulo më flamurin kuq e zi nënë

Nënë kam ca pika loti në sy më shiko
Më puth në ballë nën e dashura nëna ime
Më tradhtuan atje dhe tani po më fajsojnë
Si luajnë më vdekjen time këta mëkatar

Nënë mua më qëlluan pas shpine të marrit
Pasi më lidhen më vranë këta të ligët në kohë
Unë nën jam duke ardhur të të përqafoj sonte
Më hap derën e varrit moj e lumja nëna ime

Nënë të lutem më qaj se armiku ashtu do të na shoh
Behu e fortë nënë nuk dua sot as një pikë loti nënë
Edhe kur të më mbulojnë më dheun e atdheut tim
Mos u mërzit të betohem derdha gjakun për Një Shqipëri