Poezi nga Lumo KolleshiNESËR ËSHTË NJË MAJFantazma e tim eti m'u shfaq në gjumë,
Me alarm vetes i thirra:Zgjohu Hamlet!
Ca djersë të bukura ma bënë ballin rrëmujë,
Ç'peng t'i kem mbetur tim eti pas kaq vjet?
Dhe amanetin e fundit në vend ia çova.
Mes vetmisë mendjen vras e prapë bluaj,
Ofelinë në paqe lashë e nuk e zgjova...
Ç'kërkon fantazma vallë këtë fundmuaj?
Murator ish im atë dhe në zanat qe mbret,
Veç ne dy gjëra besoi:në djersë e drejtësi,
Ndaj shpesh më zgjon prej gjumit si Hamlet?
Në këtë botë të ndyrë e plot grykësi.
Ah,po,se mend harrova:nesër është një maj,
Ditelindjen ka im atë në ditën e punëtorëve,
Dilemën e Hamletit do lë një çast në skaj
T'i falem tim eti si një besimtar shenjtorëve.