DITËLINDJA / Nga Juela Dulaj

DITËLINDJA






Nga Juela Dulaj




Mesnatë!
Sapo ka kaluar dt.12 dhe  hyn një ditë e dashur për mua...
Dt.13 e Shtatorit!
Për shumicën e njerëzve njihet si ditë tersi ,e keqe,por jo për  mua.
Për mua është dita më e bukur, më e dashur dhe u kthye ne datën më të trishtë, më të zymtë!...
Për shumë viete me radhë mezi e prisja këtë ditë, më dukej ndryshe nga ditët e tjera. Ndihesha e përkedhelur nga të gjithë, veçanërisht  nga ty, " Babi Im ".   Për të 3- tin vit  shkova të prisja ditlindjen te mikja ime, që të më dukej e njëjtë si vitet e kaluara... Gënjeja veten më kot…. Asgjë s’ishte si më parë! Ulur në ballkon pija një cigare që mu duk më e hidhur se çdo herë tjetër. E pija dhe me vinin në kokë shumë kujtime! Kujtimet më të bukura me ty. Do  dëshiroja shumë  të të kisha pranë, t' ju  përqafoja dhe të merrja urimin nga ty. Por jo, s’më erdhi asnjë urim, por një shenjë ma dërgove... një  flutur e bukur mu afrua këtë mëngjes pranë dhe befas u ndjeva e lumtur. Mora shenjën tënde edhe pse jemi banorë të dy botëve të ndryshme…
    Nuk më merrte gjumi mbrëme s’di sa ishe ora dhe nëse  fjeta…
Në mëngjes herët më kishte ardhur një sms nga mami, më uronte dhe në fund e mbylli me një fjalë “Mami të do shumë”. Vitet e tjera sms ishte mami dhe babi  të duan shume… Nuk  di si u ndjeva !  Një boshllëk u shtua edhe më shumë! Sot unë festoja 24-vjetorin el indjes dhe ti bën 10-mujorin e ikjes.  Ironi  e fatit që dt 13 do e festojmë të dy, por unë lindjen dhe ti vdekjen .
   Thonë se kur dy persona e kanë dashurinë shumë të madhe për njëri -tjetrin e kanë dhe diçka të njëjtë. Ne te dy kemi shumë të përbashkëta por mbi të gjitha kemi dhe datën e lindjes…                                                                      
Data - 13
 Unë linda në këtë botë dhe ti linde në botën tjetër !

TË DUA SHUMË BABI IM !


@jueladulaj