Poezi nga Pjerin Ndreka (Pier Kolond)

Poezi nga Pjerin Ndreka (Pier Kolond)





Pjerin Ndreka




Per Shkodren


Shkodra
s’ma vodhi andrren;ajo vete ma fali.
Per nate e futte kryet me pa a e shef kund vedin.
Kangen
n’djep ma perkundi si perkund nana djalin.
Buzplasun,
kanga jeme,n’gjoks t’saj,ende e shuen mallin.




Regjine


Kur Valsit te Danubit i vite radha,
ti,vrik u hidhshe n’kambe;me pritshe tue qeshe.
A mund te vallzojme-e bashke me mue tane salla-
Mbretneshe?




A’ CMENDE ERA SANTE


Mos u tut prej krrames s’ers,
qe u çmend mbrame!;
era
din me vishkullue krejt si njieri,
qe i ka dale mordja n’prite
e nuk e shef.
Neser n’mjes
ke me gjete mandin mbrapa shpise
rrash per toke,e ‘i dordolec n’forme t’njierit
siper tij.
Mos u tremb
prej krrames s’ers
qe luejti mendsh;
ma zi asht kur narkoza e ka xane.
At’here qokthi
ka me ta lshue radhen ty,po ti qokth nuk ke me u ba
edhe n’ju lutsh hans dite e nate.
Edhe Buns
kane me iu dhimt dy pika lod
me ti dhane borxh.





PRANVERS I JAM VU MBRAPA

A thu’ e din pranvera se i jam vu per gjurme?
Gjingalls po ia ndij zanin,po at’ kurrkund s’e shof.
Nuk à mbas fikut t’thame,e as mbrapa asaj hurme.
Per çud’ po m’shikjojne dò e shpresa n’gjoks mu ftof.

I shkova njenit afer;me tremben syt’ e ftofte.
Bani demek se s’m'pau;me turr e mbylli deren.
Turijt ia perçudnoi era e ‘i shtazet t’cofte,
pa e hape ende mire gojen me e pvet’ at’ per pranveren.

U pa puna o i shkrete,po t’duhet me nga vrap.
Pranvera s’mshehet birash,q’e kerkon me bishtuk.
E mos te rrejne hiç mendja se tesh po t’kthehet prap’.
Se kur t’ka ra perbri,s’ke luejt’;ke ndeje kacuk.

I shkreti,m’u muer fryma;e di,per mend qe s’pata.
Kur erdh s’e luejta b….n;m’e xane tesh mbrapa i ngas.
M’u ndale s’ma ban se n’qafe m’fryn era e shtergata.
N’fryme t’fundit hapi gojen-Ku je,pranvere?-bertas.






NUK ISHTE ZOR

Nuk ishte zor
m’e pa vedin n’anderr me sy çile,
kur isha vetem 13 vjeç,
e kurre s’me buzqeshte e njajta vajze,
ndersa tjetra m’gjuete me guralec.
Une recitojshe rolet e Allen Delonit,
pa za
e t’tane shokt e klases m’brohoritshin
me zili.
A ju kujtohet E……a,
kangtarja ma e mire e shkolls,
qe s’lènte rast pa m’thirre”Artist”,
e rrezet e diellit mi nxirrte sysh?
Nuk ishte zor
m’e pa vedin n’anderr me sy çile
tu’ i vu n’rresht
vajzat e klasave ma t’nalta,
ndersa shoqet e klases
u shtijshin indiferente
tue lexue me za teoremat e algjebres.
Sod,
mue,plota e jets mi ka marre 13 vjeçart
ma shume se kater here,
po jo t’vjetrin zakon
m’e pa vedin ne anderr me sy çile.
E kurre vetem s’e shof.
Ende mendja me shkon
n’anderr.
Zhgjanderr
vedin s’e njof.






PJESHKA I HODHI LULET E BARDHA

(Rapsodi)

N’at ograje t’bukur mbas shkollet,
mbas kaçubs zana e bardh’ ndodhet.
Nget mbas saj,djali,e s’lodhet
si mshtjerrak,sa del prej ksollet.
S’shikjon ferrat e s’shikjon rrodhet.
Ndi’n ere dardhet e ndi’n ere mollet.

Pjeshka i hodhi lulet e bardha.
Zana m’pvete -A i don dy dardha?
-N’e m’dhaç pjeshken moj zane e bardha.
-N’na e shkrifte boren,po e pves bjeshken,
ne bar t’njome ta fali pjeshken;
Njomim buzt,qe dimnit na u rreshken.

Molla e dardha me buze i lava.
Raç’ mbi ‘ta e nuk u vrava;
Ishin t’ambla e i perlava.
T’shejtin krue me ‘i fryme e thava.
N’tamel zanet buzt i shplava.
Qiellin n’sy,n’syte tuej e pava.




D I M E N

E kam pa diellin
tu’ iu njite qiells me sy perdhe.
Nji hije deket ne boje te ndryshkut
i ka ra ftyrs.
Na shikjon mrrolshem;
s’i shkon nder mend ,hiç,me na ‘xe.
Nuk di pse dreqin me ra nder mend
shefi i zyrs.

S’jam inatçuer;
Inadi s’di ku rrin me shpi.
Jena n’dhetuer;
Veri i hakmarrjes me shpoi ne bri.




PROVA E MBRAME

Diçka i tha kangtares “Mos u ngut”,
e mue:-Prit,me e shkrue nji rresht.
Si dallndysha,me qerpike,ajo m’u lut.
Vone fort e mora vesht.
Dhimben e lexova ne syt’ e saj,
e ‘i valle t’permortshme qerpiksh.
E vokalicat,qe u perdridhshin si rrshaje,
mu duken si vàj çikriksh.





SYTE E MI

Me iken duersh,si fmije lazdruca.
Shtaze t’pabinduna me ndeje n’nji ograje.
Iu njiten kodrave,s’di n’ç’per biruca,
veç kur i pava kaliboç n’maje.

Heu,vraftu ora!Ca i bate vedit!
Hajna t’pa marre kodrinash t’hueja.
U vehem mbrapa e thahem edit;
sa hypa n’koder,ma njiti uja.

Pshtyme nuk kam ma,buzt me i zbute.
S’di ça mi lbyri syte e m’la n’terr.
A thue bardhsia e dy gjijve t’lmuet?
Ah,sy kopila,qe m’futet n’sherr!