Poezi nga Tini Qerrajija

Poezi nga Tini Qerrajija





Tini Qerrajija



Vendit tim

Ndërsa traditat mësojnë gjethet,
të lartesojnë blerimet
Në arenat e shtruar lëndinash
Nënat rrisin përkrenaret
Në atë zgjua të ndezur muzgu
Përballe kryqëzatave,
nisur...
Mbi gjergjefet e gjakosur,
të betejave.

Aty !
Ku lastarët qëndusur brezash
Lidhin besën mbi truprojet e amshuar,
të paraardhësve
Ndërsa vlerat mësojnë indentitetet ,
të vargezojnë traditën përtej kufijve,
të breznive.

Një ansambël i rilindur
Shqiponjash hedh valle mbi varret
burrërore të kombit
Në bjeshkët plot kullota,
pishash
Që freskojnë kujtimin e tyre mbi ato rrasa
Pa tituj.

Diku aty..
Në kanunet e urtësive
Rreth sofrës mikëpritëse të vllazërimit
Që sot shfletohet në librin e shejtë,
të historive
Ku tempujt i përurojne në valëvitjet krenare,
të shqiptarizmit!





Monitorim

Skicë hijet...
Vetë projektohen,
në topografitë surreale,
të formateve.
Mes atij rendi të huazuar,
bunkerësh
Ku primatët,
e etur monitorimesh
Lëngëzojnë prepotencat,
mbi të cilët rrëshqasin gjenitë e kryqëzuara,
të kompasit
Duke servirur idetë,
Në përllogaritjet vegjetarjane,
të skeleteve.
Ndersa...
diku...
Atje...
Hibride të majmura përparimesh,
Fashiten në vezoret e cunguara,
të gjykimit
Ku lexohen vizionet pa fytyrë,
të së nesërmes.
Përtej gradacioneve elegante
të përjashtimit.
Nën uniformat e vijëzuara,
të fjalës
Që varet kokë poshtë mbi paralelet e imëta,
të lirive...




Korrupsion

Tretur,
nën diellin tradhëtuar eklipsesh
Ku burokracitë rriten përtej mjegullnajave ,
të mashtrimit,
Korrupsionit

Prisja...
Prisja aty,
pas derës trapez
Me shpresën murmuritur lutjesh
Ndërsa “ti” kameleon i regjur,
shitur,
karrigesh kororëzuar fronesh
Përuron
Strofkën majmur krimbash
Në gostitë e shpërdoruara të pangopsive,
që fashisin buzëqeshjen e skajme
të së ardhmes,
mbi polet e ngrira në stinën e Ryshfeteve.

Tretur nën diellin tradhëtuar,
eklipsesh
Prisja
Me grushtin ndryshkur
Orakujsh
Ndërsa thyeja minutat
e brejtur urie
përballë centaurëve
Kolluar mbi monologjet pa fund,
të pritjes !




Djana

Një mrekulli gjunjëzuar në ato peligranazhe
“erotike”
Ngjante shtresave të palakuara,
të trëndafilit
Me sytë e jeshilta që zbardhin mbi tezgjahet,
vrapuese të dritës .

Ajo!
Një geishe rritur zotimesh,
vargëzonte puthjet
Mbi ato unaza lakuriqësie,
ndersa falte hiret
mbi po ato të njëtrajtshme prekjesh,
Përtej orendive fikse,
të obsesionit.

Djana!
Një gjahtare dualizmash
Shqyente tabutë
shembur mbi Karikaturat hermetike.
Të epshit,
ndërsa tradhëtonte caqet
në trajtat e pashquara të vetvetes .





Flirt

Ajo,
Një perendeshë e lakuar mbi ato linja,
të tejdukshme erotike.
Vozit,
mbi atë fluks madhështie drite
duke dehur çdo detaj,
të praruar,
me frymën e saj
Aromë kaltërsie .

Si një ikonë e papërmbajtëshme hiresh
Flirton
Me atë shikim djaloshar,
duke çoroditur çdo dëshirë të krehur
Arsyeje?!
Përtej harqeve të argjendëta të pasjonit,





Papritur

Mbi ato dallgë rritur
Përtej hapësirës plot rrugëtime ndjenjash .
trokite...
Ashtu si pluhur përmallimi
Zbulove çdo dëshirë të argjendtë puthjesh
Mbi trupin tim të zbathur plot çukitje trishtimi
...por diku
Në atë bregore kandilash,
që përpijne busullkat kripore të fundeve,
plot heshtje
Te kam me vete !
Plot rreze të amshuara që më bekojnë
Mes kambanave të jetës
Ku më thërrasin shtigjet
... dhe rrezet thërrime shpese.