Poezi nga Skënder BerishaANI SE
E ke përnjëmend a nuk e ke
deri dje kështu më the
ti tjetër nuk je
ani se ani se
ditët shkojnë e më mungon
kur vëngon
në këto anë
ani se
prej meje veç shëdetje
prej mjesit e deri vonë
e ti në daç mëno
ani se
jam vet e shterroj
mendimin plle
për ty
ani se
krejt i di për ty
edhe kur vendnumron
e mëdyshur
ani se
do t'më kërkosh
ndoshta shumë vonë
kur dielli lodhet Kikës
ani se
ti nuk je
ti nuk je më
si dje.
ENDE ZEMËR NA JEP*Dëshmori i kombit - Xhevat BerishaPrej aty ku rri e vigjëlon
ende zemër na jep
kur duhet ngjitur përpjetë
mësues ti prap nuk fle
të gjithë e dijmë me neve je
gjithëkund bre këtu edhe atje
ndër lugjet ku ushtoi sa
edhe te Shtavat edhe në Cylen
na sheh të gjithëve si na shihje
ti i urti ynë mos vallë ke etje
ashtu si rrije në këmbë prap je
për ne liri ka punë ka jo pritje
ja kështu ti ende na shikon
teje po vijmë me përshëndetje
një gatitu një majtas kthehu
radhë radhë mes lulesh t'i prehu.
Ç'TI BËJ ATIJ ZJARRIZjarrit malit që po digjet
një dëshirë sa gjatë po striqet
herë po shfaqet sa po drohet
kur Cylenit murmurohet
tash më del prej gjirit t'ujit
fort po dyndet nëpër re
ndalet prehet edhe bie
nuk po ndahet prej atij hujit
ngjitet shpatit por nuk trembet
herë po flet sa vetmevete
po e pres do ta marr me vete
malit tim moj kah tepërpjetë
kurrë më të mirë se unë nuk gjete
hajde me mua moj tungjatjeta
le të rrimë e digjemi te e vërteta
deri sot nuk të pashë se fjete.