Poezi nga Bilall MaliqiURREJTJEN E MBYLLE NË DRY
(Dr. Flora Brovinës)urrejtjen e të tjerëve e mbylle në dry
hullive të kohës mbolle veç dashuri
faqet e zisë i shndrrove në bardhësi
robërinë e leckosur e shkrive në liri
Mat e çmat heshtja më ishte boshësi
prapa grilave përdit zgjohej një trimëri
Bimë e zezë kudo lëndinave kishte mbirë
thirrje Kosovës të dal nga kjo faqe e nxirë
stinës së fundit ia këpute një Luleborë
për t’ia thurrur të kuqes liri një kurorë.
FSHIHI LOTËTnë mes kokrrave të syve
dua të shkrihem
e ti fshihi dy lotët
diku në skaj të kapakëve mbyllës
mos t’i shoh ato pika të vakëta
tek rrjedhin faqeve të skuqura
s’e do t’më ligështohet shpirti
qofshin të nxitur edhe nga mallëngjimi.
SHTRATIT TË VETMISË(për)mbi mallin prush të ndezur
qielli me mbulesë të zezë
shiu veç sa nuk rigon
as ombrellën s’e hapa dot
kjo përcëllimë nuk shuhet me lot
por nga piklat e fryera të reve
ditët maten me termometrin e kohës
tonat kujtime si zjarr kallen
e brenda freskisë së natës shuhen
nën hijen e gjethit të gjelbëruar
i bluaj ngapak kokrrat e mallëngjimit
dhe i molisur shtrihem shtratit të vetmisë.
E ZHVESHA MALLINE zhvesha mallin nga lëkura e rudhur
pritja ulur ishte në ulësen vetmitare
u tha edhe loti vijëzave të faqeve
e takimi ngeli në itinerarin e ardhjes
sot e zhvesha shikimin nga perdja e errësuar
sa për të fiksuar vertikal në pikën e takimit.
MALL I TRAZUARMe hirin e mallit të djegur
i mbulova fërkemat e ikjes
për një r(ç)ast pushimi
deri në hyrje të ëndrrës së parë
aty të shkrehem e të dënesi
përvajshëm me lot mallëngjimi
kur mërzia për ty më shtohet
eci nëpër gjurmët e harruara
mas fërkemat e zbuluar nga era
lidhem qetësisht me orientin
dhe me fletën e gjethit ombrellë
e freskoj dashurinë e rilindur.